Esil University-де қолданбалы пәндерді оқытудың заманауи әдістері талқыланды

Esil University-де «Жас оқытушы мектебі» бағдарламасы аясында профессорлық-оқытушылық құрамға арналған әдістемелік семинар өтті. Кездесудің тақырыбы ғылыми-қолданбалы пәндерді оқытудың заманауи тәсілдері болды.

Баяндаманы экономика ғылымдарының кандидаты, доцент Алмас Музатовна Баяндинова жасады. Ол «Туризмдегі бизнес-жоспарлау» курсын талдауға үлгі ретінде ұсынды, оқу үдерісін ұйымдастыру бойынша практикалық ұсыныстармен бөлісті және студенттерді кәсіби пәндерді оқып үйренуге белсенді тарту тәсілдерін көрсетті.

Қатысушылар материалды ұсынудың тиімді нысандарын, кейс-әдістер мен жобалық тапсырмаларды қолдануды, сондай-ақ бизнес-жоспарларды практикалық құзыреттіліктерді қалыптастыру құралы ретінде пайдалануды талқылады. Цифрлық құралдарды интеграциялау мәселелері мен студенттік жобаларды бағалау критерийлеріне ерекше назар аударылды.

Семинар оқытушылар арасында тәжірибе алмасу алаңына айналды. Іс-шара қорытындысы бойынша алынған білімнің оқу жоспарларын жаңартуда және практикаға бағытталған оқытуды дамытуда пайдалы болатыны атап өтілді.