Esil University-де заң шығармашылық процесіндегі Парламентаризм институтының рөліне арналған іс-шара өтті. .
Спикер ретінде Парламентаризм институты директорының кеңесшісі, ҚР Парламенті Сенатының бұрынғы депутаты Владимир Васильевич Воловков және Парламентаризм институтының бас маманы, PhD докторы Сәулен Нұржан сөз сөйледі.
Кездесу барысында заң шығармашылық қызметінің негізгі аспектілері, ғылыми институттардың заң шығару бастамаларын әзірлеуге қатысуы, сондай-ақ Қазақстанның құқықтық жүйесін жетілдіру перспективалары талқыланды. Спикерлер заңдарды қалыптастыру механизмдері мен мемлекеттік органдардың ғылыми қауымдастықпен өзара іс-қимылы туралы сараптамалық пікірлерімен бөлісті.
Іс-шара студенттер мен оқытушылардың үлкен қызығушылығын тудырып, құқық және мемлекеттік басқару саласындағы өзекті мәселелерді талқылауға арналған маңызды дискуссиялық алаңға айналды.