Esil University-де ҚР ҒЖБМ Ғылым комитетінің гранттық жобасы аясында (ИРН АР19676695) «Еңбек нарығындағы инклюзивтілік пен бәсекеге қабілеттілік: цифрлық экономика жағдайындағы жаңа болмыс пен даму бағыттары» тақырыбында дөңгелек үстел өтті.
Іс-шараға профессорлық-оқытушылық құрам өкілдері, мемлекеттік құрылымдар, ҮЕҰ өкілдері, сондай-ақ докторанттар, магистранттар мен студенттер қатысты.
Дөңгелек үстел аясында еңбек нарығын цифрландыру мен трансформация бойынша зерттеу нәтижелерін бейнелейтін аналитикалық және визуалды материалдары бар презентация ұсынылды. Инклюзивті еңбек нарығы тұжырымдамасына — жұмыспен қамтудың тең мүмкіндіктеріне, цифрлық құзыреттіліктерді дамытуға және жұмысшылардың технологиялық өзгерістерге бейімделуіне ерекше назар аударылды.
Қатысушылар еңбек нарығының инклюзивтілігін арттыру және осал санаттағы жұмысшыларды қолдаудың басым шараларын талқылады, тұрақты жұмыспен қамту үлгісін қалыптастыруда ғылым, мемлекет және қоғамдық ұйымдардың ынтымақтастығының маңыздылығын атап өтті.
Кездесу қорытындысы бойынша одан әрі ғылыми және практикалық жұмысқа арналған ұсыныстар жасалды.