Бухгалтер күнін мерекелеу шеңберінде «Есеп және аудит» кафедрасында э.ғ.к., доцент Қажмұхаметова А.А. «Бухгалтерлік есептің өзекті мәселелері: жаңа мүмкіндіктер мен перспективалар» атты дөңгелек үстел өткізді.
Дөңгелек үстелге «Бизнес және басқару» факультетінің деканы э.ғ.к., доцент. профессор Алина Г.Б., кафедра оқытушылары, «Есеп және аудит» ОБ студенттері мен магистранттары қатысты.
Іс-шараның қонақтары «Астана құрылыс жүйелері» ЖШС ПГС сату бөлімінің басшысы Шынабекова Асия Серекқазықызы және BI Group холдингінің жетекші бухгалтері Туспекова Анель Ермекқызы болды.
Дөңгелек үстелде қаржылық, басқарушылық, салықтық есеп мәселелері, бухгалтерлік есептің цифрлық трансформациясының жаңа мүмкіндіктері мен перспективалары талқыланды. Іс-шара қонақтары кәсіби қалыптасу тәжірибесімен бөлісіп, оқушыларға практикаға бағытталған құзыреттер мен дағдыларды игеру бойынша ұсыныстар берді.