Қазіргі еңбек нарығы үміткерлерге барған сайын жоғары талаптар қояды: жұмыс берушілер кәсіби білімді ғана емес, сонымен бірге мамандандырылған бағдарламалық жасақтаманы меңгеруді, онлайн-коммуникацияны, деректерді талдауды және жаңа технологияларды игеруде икемділікті қамтитын дамыған цифрлық құзыреттіліктерді де бағалайды.
Esil University-де осы қиындықтарға дайындық бірінші курстардан басталады. Университеттің білім беру бағдарламалары IT-сауаттылық, онлайн-менеджмент, аналитика негіздері және жобалық қызмет бойынша цифрлық модульдерді қамтиды.
Студенттер академиялық білім алып қана қоймай, нақты бизнесте, мемлекеттік секторда және халықаралық деңгейде қолданылатын заманауи цифрлық орталарда жұмыс істеуді де үйренеді.
Студенттердің кәсіптік бағдарлануы мен жұмысқа орналасуында Esil University жанындағы Мансап орталығы маңызды рөл атқарады. Ол студенттерге еңбек нарығының талаптарына бейімделуге, өз күшті жақтарын анықтауға және қажетті дағдыларды дамытуға көмектеседі. Орталық цифрлық және soft skills бойынша тренингтер, жұмыс берушілермен кездесулер, жұмыс берушілермен және университет түлектерімен шеберлік сабақтарын, сондай-ақ 3-4 курс студенттері арасындағы жыл сайынғы жұмыс орындары жәрмеңкесіне қатысуды ұйымдастырады.
Көптеген процестер онлайн форматқа көшіп жатқан жағдайда бейімделу қабілеті, цифрлық құралдарды жылдам меңгеру және гибридтік ортада тиімді жұмыс жасау мансаптық табыстың негізіне айналуда. Өз кезегінде, Esil University цифрлық инфрақұрылымды дамытуды жалғастыруда.
