«Құқық» кафедрасының оқытушылары з.ғ.к., доцент м.а. Кемельбеков С.Т., аға оқытушы Х. Маней «Құқық» мамандықтарында оқитын 2-курс студенттері үшін «Ұрпақтар сабақтастығы – Наурыз бірліктің символы» кураторлық сағатын өткізді.
Куратор сағатының мақсаты – Наурыз мерекесін тойлаудағы Наурызнама тақырыбының мәні мен маңызын ашу.
Тақырыпқа сәйкес Шаңырақтың тек киіз үйдің элементі ғана емес, сонымен бірге ұрпақ сабақтастығының, бірлік пен игіліктің символы екені, қазақ мәдениетінде ол «отбасын», ал мемлекеттік деңгейде — «ұлттық бірлікті» білдіретіні, сондықтан Шаңырақ Қазақстанның елтаңбасына бейнеленгені түсіндірілді.
Шаңырақ — мемлекеттіліктің, тұрақтылық пен сабақтастықтың символы. Қазақ дәстүрінде ол отбасылық құндылықтарды, қорғанысты, өзара көмекті, елдің бірлігін бейнелеген. Бүгінде ол барлық этностардың, әртүрлі ұрпақтардың және елдің барлық өңірлерінің тағдыры өрілген Қазақстанның азаматтық қоғамын білдіреді. Бұл күн Қазақстан азаматтығының этникалық тиесілілік ұғымынан жоғары екенін айқындайды. Біз бәріміз — бір халық, бір қоғам, бір ел, сырт қарағанда әртүрлі болсақ та. Бұл күн қазақстандық болу — саналы таңдау екенін, яғни елдің мүддесін бәрінен жоғары қою, мемлекеттің дамуына үлес қосу және оған тән құндылықтарды ұстану екенін ұғынуға арналған.
Шаңырақ күнінде қазақстандықтардың отбасылық дәстүрлерін нығайту және өскелең ұрпақты патриотизм, имандылық, зерделілік және еңбексүйгіштік рухында тәрбиелеу туралы кешенді теориялық, практикалық, тәрбиелік ақпарат ұсынылды.