«Қаржы» кафедрасының профессорлық-оқытушылық құрамы «Ұлттық валюта күніне» арналған кафедра аптасы аясында «ҚР мен ЕО елдерінің қаржы секторын дамытудың элементі ретінде қаржылық инновациялар» тақырыбында ғылыми семинар ұйымдастырды. Кафедра оқытушылары Қазақстан Республикасының қазіргі қаржы секторының дамуы мәселелерін бейнелейтін өзекті тақырыптарда баяндамалармен шықты.
Іс-шара барысында баяндамалар талқыланды, халықты несиелендіру мәселелері, қаржы нарықтарында жасанды интеллект технологияларын қолдану, банк секторын дамыту және корпорациялардың қаржылық жағдайын бағалау бойынша ұсынымдар берілді. Ұсыныстар мен ұсынымдарды «Қаржы» кафедрасының бастамашылық жобасы бойынша аралық есепке енгізу шешілді.
