Esil University, КММ «МРО «Астана жастары» және Астана қаласы әкімдігінің КММ «Еңбек мобильділігі орталығымен» бірлесіп жастарға арналған жұмыс орындары жәрмеңкесін сәтті өткізді.
Іс-шара Esil University ректоры Аяпберген Таубаевтың, ҚР Парламенті Мәжілісінің VIII шақырылымы депутаты Наурыз Сайлаубайдың, сондай-ақ Астана қаласы әкімдігінің «Еңбек мобильділігі орталығы» КМК директоры Олжас Омардың сәлемдесу сөздерімен басталды.
Әртүрлі сала мен қызмет саласынан 50-ден астам жұмыс берушінің қатысуымен өткен жәрмеңкеде қатысушылар мемлекеттік органдар, қаржы институттары, екінші деңгейлі банктер, ұлттық мұражайлар, бағалау компаниялары және басқа кәсіпорындар ұсынған жұмыс бос орындарының кең ауқымымен танысудың бірегей мүмкіндігіне ие болды.
Esil University Мансап орталығының маманы өткен шара туралы өз пікірімен бөлісті:
«Жұмыс орындары жәрмеңкесіне 50-ден астам ұйым, мекеме және кәсіпорын тіркелді. Біз Астана қаласы әкімдігі және ҚМЖ Астана Жастары мекемесімен ынтымақтасамыз. Мұндай іс-шаралар жұмыс берушілер арасында сұранысқа ие, өйткені олар бірнеше сағат ішінде көптеген түлектермен танысып, компанияларының болашақ қызметкерлерінің дерекқорларын толықтыруға мүмкіндік береді. Esil University түлектері беделді компанияда қызықты жұмысқа шақыру алу мүмкіндігіне ие».
Жұмыс берушілер өз компаниялары туралы презентация жасап, бар бос орындарды таныстырды және командаларына қосылуға тілек білдіргендерге кіріспе сұхбат жүргізді.