Жұмыстарды antiplagiat.ru антиплагиат интернет-жүйесінде тексеру тәртібі бойынша түлекке арналған жаднама

1. Плагиат – сол немесе басқа авторлық жұмыс материалдарының бөтен мәтінін толықтай немесе бөліктеп тиісті ескертусіз пайдалану – институт рәсімдеріне сәйкес тиісті академиялық және тәртіптік шаралардың қолданылуына әкеп соғатын елеулі этикалық қылмыс болып табылады.

2. Плагиатты жүргізу рәсімі EsU білім алушыларының магистрлік диссертацияларына (жобаларына), дипломдық жұмыстарына (жобаларына) міндетті түрде комиссиямен жүргізіледі. Тексеру antiplagiat.ru плагиатқа қарсы Интернет-жүйесімен жүзеге асырылады

3. Бітіру жұмысы нормабақылаушымен, ғылыми жетекшімен және кафедра меңгерушісімен тексеріліп, қол қойылуы және плагиаттың бар-жоғын тексеру үшін деканатқа жіберілуі тиіс.

4. Дайын жұмыспен (электрондық және баспа нұсқасымен) өзіңіздің деканатыңызға, яғни жүйе операторына (декан орынбасарына) жүгіну қажет. Жұмысыңызды ұсына отырып, жұмыстың түпнұсқалығы туралы тиісті өтінішке қол қоюыңыз керек. Тексеру жүргізу мерзімі 2-ден 5 күнге дейін.

5. Оператор сіздің жұмысыңыздың электрондық және баспа нұсқаларының бірдейлігін тексереді. Тексеру нәтижесінде сәйкессіздіктер табылса, оператор сізге бұл туралы хабарлайды. Әрі қарай сізге түзету үшін 24 сағат беріледі (түзетуді жоғарыда көрсетілген 24 сағат ішінде екі реттен артық емес жасауға болады).

Егер жұмыстың мәтіні электрондық және баспа нұсқасында сәйкес келсе, сіздің жұмысыңыз плагиатқа тексеру үшін жүйеге жүктеледі. Жұмысты тексеру нәтижесі ұқсастық туралы есептер болып табылады: толық есеп и қысқаша есеп.

6. Жұмыстың түпнұсқалық дәрежесі екі ұқсастық коэффициентімен сипатталады. Плагиат рәсімінен сәтті өту үшін №1 ұқсастық коэффициентінің мәні 60% деңгейінен аспауы тиіс және №2 ұқсастық коэффициентінің мәні бакалавриат үшін 8%-дан аспауы тиіс (магистратура үшін – тиісінше 50% және 5%), әйтпесе есепті мұқият талдау қажет. Сонымен қатар дәйексөздердің көлемі жұмыстың бүкіл көлемінің 50%-нан артық бола алмайды. Жұмысты қорғауға жіберу, оны жіберуден бас тарту немесе жұмысты түзету/пысықтау қажеттілігі туралы түпкілікті шешімді Антиплагиат жөніндегі комиссия қабылдайды.

7. Тексеру аяқталғаннан кейін деканаттағы жүйе операторы немесе кафедрадағы ғылыми жетекші сізге тексеру нәтижелері туралы хабарлайды. Сіздің бітіру жұмысыңыз қорғауға жіберілген жағдайда, комиссия қол қойған тиісті хаттамалар мен ұқсастық есептері жұмысқа қоса тіркеледі.

Ескертпе. Антиплагиат жүйесіне жүктелетін жұмыс мәтінін қасақана бұрмалау, атап айтқанда, жұмысты жүктеу кезінде мәтін фрагменттерін өткізіп жіберу, қаріпті ауыстыру, басқа әліпбилердің таңбаларын пайдалану, жұмыс мәтініне арнайы таңбалар қосу, сөздердегі таңбалардың ретін өзгерту, мәтінді таңбалардың бір бөлігінен айыру және т.б. түлекке қатысты тәртіптік шаралар қолдануға негіз болып табылады.