Esil University К.Жұбанов атындағы Ақтөбе өңірлік университетінде өткен «Study in Kazakhstan» білім беру көрмесіне қатысты.
Іс-шараға шамамен 3000 жоғары сынып оқушысы мен олардың ата-аналары жиналды. Университетті кәсіптік бағдар бөлімінің бастығы Берік Аханов және «Қаржы» кафедрасының оқытушысы, магистр Нұржан Сартбай таныстырды.
Қатысушыларды ҚР Ғылым және жоғары білім министрінің кеңесшісі Руслан Емельбаев пен Министрліктің Жоғары және жоғары оқу орнынан кейінгі білім комитеті төрағасының орынбасары Акерке Абылайхан сәлемдесу сөзімен қарсы алды. Олар мұндай іс-шаралардың жастарды кәсіптік бағдарлау және отандық жоғары оқу орындарын ілгерілету үшін маңыздылығын атап өтті.
Оқушылар даярлық бағыттары, қабылдау шарттары, 2025 жылғы ҰБТ өзгерістері және грант алу мүмкіндіктері туралы білді.