Esil University-де халықаралық серіктестікті дамыту бойынша белсенді жұмыс жалғасуда. Осы бағыттағы кезекті қадам — Jiangsu University of Technology өкілдерімен «Туризм» білім беру бағдарламасы бойынша қос диплом бағдарламаларын іске асыру перспективалары талқыланған келіссөздер.
Кездесу барысында тараптар студенттер мен оқытушылардың академиялық мобильділігі мәселелерін егжей-тегжейлі қарастырды, сондай-ақ бірлескен оқу жоспарларын әзірлеуді талқылады. Халықаралық еңбек нарығының заманауи талаптарын ескере отырып, туристік индустрия үшін мамандар даярлаудағы тәжірибе алмасуға ерекше назар аударылды.
Қытай жоғары оқу орнынан келіссөздерге халықаралық ынтымақтастық және алмасу бөлімінің бас маман орынбасары, сондай-ақ халықаралық білім беру жөніндегі декан орынбасарының міндетін атқарушы Юй Циньмэй және мәдениет пен туризм факультетінің қытай тілі кафедрасының меңгерушісі Е Шуай қатысты.
Кездесуде Esil University-ді факультет деканалары, проректорлар, кафедра меңгерушілері және құрылымдық бөлімшелер басшылары өкілдеді, бұл университеттің халықаралық білім беру бастамаларын дамытуға жоғары деңгейде қатысуын айқын көрсетті.
Келіссөздер қорытындысы бойынша тараптар ынтымақтастықты кеңейтуге өзара мүдделілігін білдіріп, туризм саласындағы сұранысқа ие мамандар даярлауға бағытталған бәсекеге қабілетті білім беру бағдарламаларын жасаудың маңыздылығын атап өтті.
