Шымкент қаласында мектеп түлектерін біріктірген Study in білім беру көрмесі өтті…

Шымкент қаласында оқуды жалғастыруға және болашақ мамандықты таңдауға мүдделі мектеп пен колледж түлектерін біріктірген Study in білім көрмесі өтті.

Esil University атынан іс-шараға қабылдау комиссиясының жауапты хатшысы Берік Аханов пен «Құқық» кафедрасының меңгерушісі Асқар Қалиев қатысты. Көрме аясында университет өкілдері абитуриенттерге оқу мүмкіндіктері, білім беру бағдарламалары, түсу шарттары және кәсіби даму перспективалары туралы егжей-тегжейлі айтып берді.

Іс-шара қонақтары қызықтырған сұрақтарын қоюға, Esil University-де оқудың артықшылықтарымен танысуға және мамандықты таңдау бойынша жеке кеңестер алуға мүмкіндік алды.

Мұндай көрмелерге қатысу — болашақ студенттерді білім алу жолын саналы түрде таңдауда қолдауға бағытталған университеттің кәсіптік бағдарлау жұмысының маңызды бөлігі.