«Экономикалық қауіпсіздікті құқықтық қамтамасыз ету» және «Бизнес-құқық» БББ 3 курс студенттері Сот сараптамалары ғылыми-практикалық орталығында

2024 жылдың 20 қарашасында з.ғ.к., доцент Қалиев А.Қ. «Экономикалық қауіпсіздікті құқықтық қамтамасыз ету» және «Бизнес-құқық» білім беру бағдарламаларының 3-курс студенттерімен бірге Қазақстан Республикасы Әділет министрлігінің Сот сараптамасы ғылыми-практикалық орталығына шығып, практикалық сабақ өткізді.

Бүгінде Қазақстан Республикасының сот-сараптама жүйесі Қазақстан Республикасы Әділет министрлігінің «Сот сараптамалары орталығы» Республикалық мемлекеттік қазыналық кәсіпорны арқылы ұсынылған.

Сыртқа шыққан сабақ сынып бөлмесінде алынған теориялық білімді бекіту және оны нақты кәсіби ортада қолдану мақсатында ұйымдастырылды. Студенттер Қазақстан Республикасы Әділет министрлігінің «Сот сараптамалары орталығы» мемлекеттік кәсіпорнының қызметімен танысып қана қоймай, осы кәсіпорын базасында 30-дан астам сот сараптамасы түрінің іс жүзінде қалай жүзеге асырылатынын зерттеді.