«ҚУҚ» кафедрасының профессоры Балғымбеков Д.У. полиция майоры Ілипбаев Дулат Мелисұлымен бірлесіп БЮР 24/23 тобының студенттерімен студент жастардың жәбірленуші болатын киберэлаяқтық бойынша түсіндіру жұмысын жүргізді.
Іс-шара барысында полиция майоры Илипбаев Д.М. студенттерді алаяқтарға қатысты барынша сақ болуға шақырып, олардың тұзағына түспеу үшін бірқатар кеңестер берді. Полиция қызметкері алаяқтардың құрбаны болмаудың, жалған сайттар мен жалған интернет-дүкендерден қорғанудың, сондай-ақ сенімді құпия сөздер мен екі факторлы аутентификация арқылы жеке аккаунттарды қорғаудың жолдарын түсіндірді. Полицейский қашықтықтан алаяқтықтың ең кең тараған схемаларының мысалдарын келтіріп, беймәлім адамдардан күдікті қоңыраулар мен хабарламалар келгенде қалай әрекет ету керектігін толық түсіндірді. Ол алаяқтардың жастардан ақша алу үшін желілік ойындар мен әлеуметтік желілер мен мессенджерлердегі қарым-қатынасқа байланысты схемаларды жиі қолданатынын атап өтті. Ол студенттердің назарын ойын ішіндегі сатып алулар мен заттар алмасудың зиянкестердің назарын аударуы мүмкін екендігіне аударды. Фишингтік сайттар немесе алдаушы хабарламалар арқылы ойын аккаунттарына қол жеткізу әрекеттері жиі кездеседі. Студенттерді банк карталарының деректерін немесе аккаунттарының не банктік қосымшаларының логиндері мен құпия сөздерін беруге мәжбүрлеуге тырысуы мүмкін. Полицейский күдікті қоңырауларға және хабарламаларға дұрыс қалай жауап беру керектігін нұсқады. Кездесудің соңында студенттерге немесе олардың жақындарына қатысты алаяқтық әрекеттері болған жағдайда қолданылатын іс-қимылдар қарастырылды.
