«Экономика және маркетинг» кафедрасы апталығының ашылуы. «Бизнес және басқару» факультетінің деканы, э.ғ.к., доцент Алина Г.Б. және «Экономика және маркетинг» кафедрасының меңгерушісі, э.ғ.к., профессор м.а. Дарибаева А.Қ. салтанатты сөз сөйледі.
«Экономика туралы жалпы және қазіргі Қазақстанның ұлттық экономикасы туралы нақты не білеміз? Саяси экономисттің көзқарасы» тақырыбында дөңгелек үстел өтті. Оған «Тұран» білім беру корпорациясының вице-президенті, э.ғ.д., Туран-Астана университетінің профессоры, Қазақстанның экономикалық ғылымдар академиясының академигі, М.В. Ломоносов атындағы МГУ (Ресей) философиялық-экономикалық оқу жиналысының толық мүшесі Алиев У.Ж., сондай-ақ кафедраның оқытушы-профессорлық құрамы, «Экономика», «Әлемдік экономика» мамандықтарының студенттері қатысты.
Esil University-де «Экономика және маркетинг» кафедрасының екінші курс студенттерінің қатысуымен «КРАУДФАНДИНГ – инвестициялық платформа» тақырыбына арналған қонақ дәрісі өтті. Кәсіпорын басшысы Бекзат Байменов краудфандингті инвестиция тартудың тиімді құралы ретінде пайдалану саласындағы бағалы білімі мен тәжірибесімен бөлісті.
Лекция краудфандингтің маңызды аспектілерін, оның ішінде инвестициялық платформалардың жұмыс принциптерін, кәсіпкерлер мен инвесторлар үшін негізгі артықшылықтарды қамтыды. Студенттер сұрақ қоюға, өзекті тақырыптарды талқылауға және қаржы мен кәсіпкерлік саласындағы білімдерін тереңдетуге бірегей мүмкіндік алды.
Esil University «Экономика және маркетинг» кафедрасының апталығы аясында студенттік жатақханада тұратын студенттермен кездесу өткізді.
Іс-шара Экономист күніне арналды, қатысушылар «Жастардың тәуелсіз мемлекет қалыптасуындағы рөлі» тақырыбындағы пікірталасты талқылады. Студенттер талқылауға белсенді қатысып, қызығушылық тудырған сұрақтарын қойды.
Апталық шеңберінде тауарларды жылжытудың соңғы трендтері туралы қонақ лекциясы өтті. Кездесуді SVARKA.KZ сауда маркасымен «Welding company» ЖШС компаниясының басшысы Касьяненко А.В. өткізді. Студенттер заманауи маркетинг стратегиялары және өнімді нарықта сәтті жылжыту туралы құнды білім алды.
Сондай-ақ 1-курс студенттері үшін «Экономикалық теория» пәні бойынша брейн-ринг өткізді. Атап өту керек, бұл инновациялық оқыту формасы оқу процесін қызықты және пайдалы ету мақсатында жасалған.
«Экономика және маркетинг» кафедрасы кафедра аптасына орайластырылған іс-шаралар сериясын аяқтады. «Экономика» бағытындағы 4 курс студенттерімен бірлесіп ұйымдастырылған «Үздік талдаушы» викторинасына ерекше назар аударылды.
