1 қазанда Esil University-де бір мезгілде екі маңызды оқиға атап өтілді — Жоғары білім қызметкерлерінің күні және Қарттар күні. Осы мерейлі жағдайға орай университетте оқытушылар, қызметкерлер мен студенттер қатысқан мерекелік іс-шара өтті.
Педагогикалық еңбектің ардагерлеріне — зейнеткерлік демалыстағы оқытушылар мен қызметкерлерге ерекше назар аударылды. Олардың құрметіне университет ұжымы мерекелік дастархан дайындап, көпжылдық еңбегі мен мамандыққа адалдығы үшін алғыс сөздерін жеткізіп, ескерткіш сыйлықтар табыстады.
