23 сәуірде «Менеджмент» кафедрасында «Бизнес және басқару» факультетінің деканы, э.ғ.к., профессор Г.Б. Алина және оқушылардың қатысуымен жастар ортасындағы адалдық пен академиялық тұтастыққа арналған кураторлық сағат өтті.
Әңгіме барысында сыбайлас жемқорлыққа қарсы іс-қимыл мен академиялық адалдықтың өзекті тақырыбы қозғалды. Іс-шараның негізгі мақсаты студенттерде білім беру және кәсіби қызметтегі адалдық пен ашықтыққа саналы көзқарас қалыптастыру болды. Студенттерге адалдықтың негізгі қағидаттары жеткізілді, қоғамда коррупцияға нөлдік төзімділікті қалыптастыруға ерекше назар аударылды. Кураторлық сағатта студенттер өз пікірлерін білдіріп, белсенділік танытты.
