Жасанды интеллект және еңбек нарығы: «Менеджмент» кафедрасындағы дөңгелек үстел

«Менеджмент» кафедрасының аптасы шеңберінде «Жасанды интеллекттің еңбек нарығына әсері: цифрлық трансформация контексіндегі жастарға арналған мүмкіндіктер мен мәселелерді талдау» тақырыбында жұмыс берушілердің қатысуымен дөңгелек үстел өтті. Іс-шара кафедраның гранттық жобалары шеңберінде ұйымдастырылды және заманауи еңбек нарығындағы өзгерістерге және жастардың кәсіби бейімделуі мәселелеріне арналды.

Дөңгелек үстел спикері — доктор, қауымдастырылған профессор Айбек Имашев болды. Ол өз баяндамасында жасанды интеллекттің дамуы еңбек нарығына қалай әсер ететінін атап өтіп, цифрлық құзыреттіліктің маңыздылығын және болашақ мамандардың жаңа экономикалық жағдайларға бейімделу қажеттілігін ерекше атады. Іс-шараның құрметті қонағы «Қазақтелеком» АҚ қауіпсіздік қызметінің бас менеджері Айдын Имашев болды. Ол телекоммуникация саласына жасанды интеллектті енгізудің ерекшеліктерін, ақпараттық қауіпсіздік мәселелерін толық қарастырып, еңбек нарығының қазіргі талаптары тұрғысынан практикалық тәжірибесімен бөлісті.

Кездесуге магистранттар қатысты, Малыхина А. және Акулинин В. еңбек нарығындағы жастардың әлеуеті, цифрлық құзыреттіліктерді дамыту және кәсіби өсу мүмкіндіктеріне арналған баяндамаларын ұсынды. Талқылау барысында қатысушылар цифрлық трансформация жағдайында білім мазмұнын еңбек нарығының қажеттіліктеріне бейімдеудің, кәсіби дағдыларды үздіксіз жетілдірудің және жастарды инновациялық ойлауға ынталандырудың маңыздылығын атап өтті.

Дөңгелек стол интерактивті форматта өтіп, магистранттар, студенттер, оқытушылар мен жұмыс берушілер арасындағы ашық пікір алмасу алаңына айналды. Іс-шара қорытындысы бойынша қатысушылар цифрлық экономика дәуірінде жауапты және икемді кадрларды даярлаудың өзектілігін ерекше атап өтті.