Білім беру мекемелері арасындағы серіктестік байланыстарды нығайту және академиялық өзара іс-қимылды дамыту мақсатында Esil University мен КМҚК «Н. Күлжанова атындағы Торғай гуманитарлық колледжі» арасында ынтымақтастық туралы меморандумға қол қойылды.
Қол қою рәсімі Қостанай облысының Арқалық қаласындағы Торғай гуманитарлық колледжінің базасында өтті. Esil University атынан кездесуге академиялық мәселелер жөніндегі бірінші проректор Серік Мақыш қатысты, колледж тарапынан — директор Руслан Мамбетов.
