«Туризм» ОБ 2 курс студенттері «Әлеуметтік жұмыс және туризм» кафедрасының меңгерушісі PhD, доцент Садықов Ж.А. жетекшілігімен тарихи-мәдени мұра ескерткіштері мен объектілерін сақтауды қамтамасыз ету орталығына барды.
Орталық директоры Мәншүк Адиятқызы танымдық экскурсия жүргізіп, бүгінгі күні тарихи-мәдени мұра ескерткіштері мен объектілерінің сақталуын қамтамасыз ету орталығы орналасқан бұрынғы мұсылман мектебінің ғимараты XIX ғасырдың соңына жататынын айтты. Бұл — XIX ғасырдың соңы — XX ғасырдың басындағы ағаш сәулет өнерінің бірегей үлгілерінің бірін білдіретін сәулет ескерткіші. Ғимарат — бай ойма ағаш декормен безендірілген ағаш бөрене үлгісінде орындалған тұрғын үй.
Астанада 111 ескерткіш бар, олардың жартысынан астамы ҚР тәуелсіздік жылдарында орнатылған, деп айтты Орталық директоры Маншук Исаева.
Орталық қызметкерлері ескерткіштердің техникалық жағдайын зерттеп, ағымдағы жөндеу және реставрациялық жұмыстар жүргізеді. Олардың тізімі жыл сайын жаңартылып, толықтырылады. Осыны ескере отырып, тарихи, сәулеттік, археологиялық мәліметтерді, олардың маңыздылығын бағалауды, өлшем сызбаларын және т.б. енгізе отырып, ескерткіштер мен мәдени мұра объектілерінің паспорттауы жүргізіледі.
Осы ғимаратта орналасқан тарихи-мәдени мұра ескерткіштері мен нысандарының сақталуын қамтамасыз ету орталығы Астана қаласы әкімдігінің «Бірлескен музейлер дирекциясы» МКҚК-нің құрылымдық бөлімшесі болып табылады. Ол Астана қаласының тарихи-мәдени мұрасын сақтау, реставрациялау және насихаттау жөніндегі жұмыспен айналысады. Осы мақсатқа жету үшін астана қонақтары мен тұрғындары үшін қаламыздың ескерткіштері мен мемориалдық кешендерінде дәрістер, экскурсиялар және тақырыптық іс-шаралар өткізіледі. Кездесу аясында Esil University мен Тарихи-мәдени мұра ескерткіштері мен нысандарының сақталуын қамтамасыз ету орталығы арасында ынтымақтастық туралы меморандумға қол қою жоспарлануда.
