Esil University-де «Қаржы» кафедрасы «Фридом Банк Қазақстан» АҚ базасында ашылған кафедра филиалының Жоспарына сәйкес Астана қаласы «Фридом Банк Қазақстан» АҚ-ның корпоративтік бизнесті басқару бөлімінің бастығы Алиев Захир Аласкяроглыны спикер ретінде шақыра отырып «Цифрлық сервистер және арнайы несие ұсыныстары» тақырыбында ғылыми семинар өткізді. Іс-шараға «Қаржы» мамандығы 2 және 3 курс студенттері мен профессор-оқытушылар құрамы белсенді қатысты.
Семинар барысында Алиев Захир Аласкяроғлы аудиторияға банктің несие беру саласындағы заманауи үрдістерді таныстырды, олар клиенттер үшін несие алу процесін жеңілдетуге және оны үйден шықпай нақты уақыт режимінде рәсімдеуге бағытталған.
Кредиттік өнімдерді цифрландыру мен жекелендіруге, онлайн-платформаны енгізуге, кредиттік өтінімдерді талдау үшін жасанды интеллект пен машиналық оқытуды пайдалануға ерекше назар аударылды, бұл оларды қарастыру уақытын қысқартуға және шешім қабылдаудың дәлдігін арттыруға мүмкіндік береді.
Цифрландыру және несиелеуді жекешелендіру тұтынушылар үшін де, несиелік ұйымдар үшін де жаңа мүмкіндіктер ашатынын түсіндірді. Олар икемді және ыңғайлы қаржылық өнімдер жасауға, несиелік операциялардың тиімділігі мен қауіпсіздігін арттыруға ықпал етеді.
Цифрлық технологиялардың дамуымен бірге қауіпсіздік мәселелерінің маңызы да арта түсуде. Банктер деректерді қорғаудың озық жүйелерін, соның ішінде блокчейн мен биометриялық технологияларды, құпиялылықты қамтамасыз ету және алаяқтыққа қарсы тұру үшін енгізуде.
Ғылыми семинар студенттер мен ПОҚ-тың цифрландыру және несиелеуді жекелендіру мәселелері, жасанды интеллект пен машиналық оқытуды пайдалану, блокчейн мен биометриялық технологияларды қоса алғандағы деректерді қорғау жүйесі бойынша практикалық дайындық деңгейін арттырудағы кәсіби құзыреттіліктерін кеңейтуге септігін тигізді.
