Халықаралық оқу-әдістемелік конференция өтті

«ESIL UNIVERSITY» Жасанды интеллект, инклюзия және академиялық адалдық: инновациялар мен білім беру құндылықтары арасындағы баланс» тақырыбына арналған жоғары оқу орындарының оқытушылары мен қызметкерлеріне арналған Халықаралық оқу-әдістемелік конференция өтті. Конференция шеңберінде жасанды интеллектіні сауатты пайдалану, сондай-ақ Қазақстандағы инклюзивтік білім беруді кеңейту мәселелері көтерілді.

Қоғамның барлық салаларындағы және қазақстандық білім берудегі өзгерістер ЖИ-ді белсенді енгізу жағдайында оқу орындарындағы оқыту мен тәрбиелеу процесінің мәнін қайта ойластыруға, сондай-ақ мүмкіндіктері шектеулі оқушылар үшін білім беру қызметін ұйымдастырудың жаңа тәсілдерін іздеуге алып келеді.

Қазақстандағы инклюзияның дамуы мәселелері мен ерекше білім беру қажеттіліктері бар балалармен жұмыс тәжірибесін тарату «Әлеуметтік жұмыс және туризм» кафедрасының аға оқытушысы Арыстанова З.С.-тің баяндамасына арналды. Конференцияға қатысу және жасөспірімдермен жұмыс тәжірибесін талқылау үшін Балалар ауылының практик мамандары: психолог Валевач Ольга Александровна және ЖМБ «SOS Балалар ауылы Астана» практикуші психологы, тьюторы Елистратов Денис Сергеевич шақырылды.

Мамандар жасөспірімдермен жұмыс тәжірибесімен, сондай-ақ мүмкіндіктері шектеулі балаларды білім беру үдерісіне тарту нәтижелерімен бөлісті. Сөз сөйлеушілердің негізгі міндеттері қатарында қазіргі қоғамның мүмкіндіктері шектеулі адамдарға деген көзқарасын өзгерту, денсаулығы шектеулі жасөспірімдердің қоғамда сәтті бейімделуін қамтамасыз ету, олардың әлеуметтенуі және интеграциясы белгіленді.