Қазақстанның Ұлттық Банкі (бұдан әрі – ҰБК) 2024 жылдың 28 маусымынан бастап 2024 жылғы үлгідегі жаңа дизайндағы 10 000 теңге номиналды банкноттарды айналымға шығарады.
Бұл «Сақ стилі» жаңа сериясынан шыққан екінші банкнот. Ол дәстүрлі қазақ өрнегінің атасы саналатын «Сақ стилі» элементтеріне негізделген және елдің мұрасын — ерекше көшпенділер мәдениетінен бүгінгі Қазақстанға дейін — бейнелейді.
Бұл ретте аталған банкноттар 2024 жылдың қыркүйегінде жаппай айналымға шығарылады, өйткені оларды елдің барлық өңірлеріне жеткізу және жабдықтарды (банкоматтар, терминалдар және басқа кассалық техника) бейімдеу үшін қосымша уақыт қажет.ақша белгісінің дизайны мен нысаны
Банкноттардың түсі — көк-күлгін.
Алдыңғы жағында бейнеленген:
Артқы жағында ою-өрнекпен безендірілген қалқанның фонында барыс бейнеленген. Негізгі бейненің артында дөңгелек қазақ өрнегі орналасқан. Ол мынандай идеяларды символдайды:
«Қалқан» – құндылықтарды қорғауды символдайды, ежелгі символ – дүниенің төрт тарапы, ортадағы күн белгісі – шығармашылық энергия мен өмірдің символы. Сондай-ақ банкноттың артқы жағында артефакт орналасқан — аузында гриффондары бар барыс басы (Берел обалары «Патшалар алқабы», б.з.д. 8-7 ғғ., ШҚО, сәндік элемент, мақсаткерлік пен күштің символы). Банкнот ортасында фон ретінде «шексіздік» қазақ өрнегінің контуры орналасқан, оның ішінде Іле Алатауы тауларының пейзажы бейнеленген.