10 сәуірде «Статистикалық органдардағы ішкі бақылау жұмысын ұйымдастырудың әдістемелік аспектілері» тақырыбында оқу-әдістемелік семинар өтті. Семинарға Esil University-дің, Л.Н. Гумилев атындағы ЕҰУ-дің профессор-оқытушы құрамы, «Статистика» және «Есеп және аудит» білім беру бағдарламаларының студенттері қатысты.
Баяндамамен Esil University-дің «Есеп және аудит» кафедрасының доценті, экономика ғылымдарының кандидаты Ляззат Айтхожина сөз сөйледі. Семинар барысында спикер мемлекеттік статистика жүйесінде ішкі бақылауды ұйымдастыру саласындағы кәсіби тәжірибесімен және практикалық жетістіктерімен бөлісті.
Тыңдаушыларға негізгі бағыттар ұсынылды: «ішкі бақылаудың ұғымы, мақсаттары мен принциптері»; «ішкі бақылау түрлерінің жіктелуі және деректердің сенімділігіне қойылатын талаптар»; «кәсіпорын мен мемлекеттік құрылымдарда ішкі бақылаудың тиімді жүйесін құрудың мақсаттары»; «статистикалық ақпаратты бақылаудың және растаудың заманауи технологиялары».
Статистикалық деректердің сапасын бақылау процестерін ұйымдастырудың практикалық тәсілдеріне, қолданылатын ақпараттың ашықтығы мен сенімділігін қамтамасыз етуге ерекше назар аударылды, бұл ресми статистика органдарының жұмысының ажырамас бөлігі болып табылады.
Семинар белсенді және мазмұнды форматта өтті. Қатысушылар сұрақтар қоюға, өзекті мәселелерді талқылауға және цифрландыру жағдайында ішкі бақылаудың тиімділігін арттыру мен жаңа методологиялық тәсілдерді енгізу мәселелері бойынша пікір алмасуға мүмкіндік алды.
