Esil University-де «Әлеуметтік жұмыс және туризм» кафедрасының оқытушылары үшін аға оқытушы Саввин Егор Викторович жүргізген «Денсаулық сақтаудағы әлеуметтік жұмыс» тақырыбындағы шебер-сынып өтті.
Іс-шараның мақсаты — қатысушыларда денсаулық сақтау жүйесіндегі әлеуметтік қызметкерлер жұмысының практикалық алгоритмі туралы түсінік қалыптастыру.
Мастер-класс барысында оқытушылар әлеуметтік жұмыскерлердің қызмет бағыттарымен және науқастармен өзара іс-қимылдың кезеңдерімен таныса отырып, әлеуметтік, психологиялық және құқықтық көмекті жақсарту мәселелерін қарастырды; медициналық ұйымдардағы мамандардың жұмыс құрылымы мен алгоритмін зерделеді; денсаулық сақтаудағы әлеуметтік жұмысты реттейтін заңнамалық базамен және нормативтік құжаттармен танысты. Сонымен қатар олар психо-әлеуметтік қолдауды, ерекше топтармен жұмысты және отбасылық сүйемелдеуді қоса алғанда, науқастармен өзара іс-қимылдың заманауи әдістері туралы ақпарат алды, сондай-ақ әлеуметтік жұмыскерлерді аккредиттеу рәсімі мен кәсіби даярлыққа қойылатын талаптармен танысты.
Мастер-класс тәжірибе алмасу, практикалық кейстерді талқылау және білім беру үрдісіне жаңа тәсілдерді енгізу алаңына айналды. Оқытушылар тақырыптың өзектілігін және іс-шараның әлеуметтік жұмыс саласындағы болашақ мамандарды даярлау сапасын арттыру үшін практикалық пайдасын атап өтті.