Esil University-де Г.В. Плеханов атындағы Ресей экономикалық университеті профессорының дәрісі өтті

Esil University-де Ресейдің Г.В. Плеханов атындағы Ресей экономикалық университетінің профессоры Петренко Елена Степановнаның қонақ дәрісі өтті. Дәріс экономикалық мамандықтардың оқытушылары, докторанттары мен магістранттары үшін ұйымдастырылды.

Дәріс «Бизнес экожүйелерінен платформалық экономикаға: жаңа технологиялық укладқа өту» деген өзекті тақырыпқа арналды. Іс-шара барысында профессор Петренко заманауи бизнес-экожүйелердің платформалық модельдерге қалай өзгеретіні және бұның дүниежүзілік экономиканың дамуына қалай әсер ететіні туралы егжей-тегжейлі баяндады.

Лекция қатысушылары оның практикалық маңыздылығы мен тақырыптың жоғары өзектілігін атап өтті, сондай-ақ экономика саласындағы озық тұжырымдамалармен танысу мүмкіндігі үшін алғыс білдірді.

Esil University студенттер мен оқытушылар үшін мүмкіндіктерді кеңейту, әлемдік деңгейдегі білімге қол жеткізуді қамтамасыз ету бойынша белсенді жұмысын жалғастыруда.