Esil University-де құқық бұзушылықтың алдын алу бойынша кездесу өткізілді

«Туризм» білім беру бағдарламасының студенттері арасында құқық бұзушылықтардың алдын алу және құқықтық мәдениетті қалыптастыру аясында 3-курс студенттері үшін куратор сағаты өтті.

Топ кураторы Муслимбекова М.А. студенттердің жауапкершілік деңгейін арттыруға және қоғамдық мінез-құлық нормаларын сақтауға бағытталған түсіндіру жұмысын ұйымдастырып жүргізді.

Кураторлық сағат барысында белгіленбеген орындарда темекі шегудің жол берілмейтіндігі, санитарлық нормаларды сақтау, қала аумағындағы тазалықты сақтау, сондай-ақ қоғамдық орындардағы мінез-құлық ережелері мәселелеріне ерекше назар аударылды. Студенттерге тәртіптік шараларды қоса алғанда, бұзушылықтардың ықтимал салдары түсіндірілді.