«Зерде» мамандандырылған лицей №9 КМУ Астана қаласы әкімдігі мен Esil University арасында ынтымақтастық туралы меморандум жасалды. Esil University атынан бірінші проректор — академиялық мәселелер жөніндегі проректор, экономика ғылымдарының докторы, профессор Серік Мақыш қатысты.
Қол қойылған меморандумның мақсаты білім беру саласындағы өзара тиімді ынтымақтастықты дамыту болды. Лицей оқушыларының әлеуетін дамытуға және Esil University академиялық бағдарламаларын танымалдандыруға бағытталған бірлескен іс-шараларды іске асыру жоспарланып отыр: кәсіптік бағдарлау кездесулері, шебер-сыныптар, ғылыми-білім беру жобалары және олимпиадалар.
