Esil University-де Статистика аптасы аясында «Статистика» және «Есеп және аудит» білім бағдарламаларының студенттері үшін азаматтық бірегейлік пен қоғамдық бірлік мәселелеріне арналған дөңгелек үстел өтті. Іс-шараның бастамашысы «Есеп және аудит» кафедрасының меңгерушісі Бекжанова Тоты болды. Шақырылған спикерлер ретінде «Астана жастары» МРО КМУ өкілі Үмірғалиев Сұлтан және «Есеп және аудит» кафедрасының доценті Ғали Дінмұхаммед сөз сөйледі.
Дөңгелек үстелдің тақырыбы — «"Бір халық" формуласы: Конституциядағы азаматтық бірегейлік». Баяндама барысында азаматтық бірегейлікті қалыптастырудың негізгі аспектілері, конституциялық құндылықтардың маңыздылығы, сондай-ақ жастардың қоғамдық келісім мен ұлттық бірлікті нығайтудағы рөлі ашып көрсетілді.
Іс-шараға «Есеп және аудит» кафедрасының профессорлық-оқытушылар құрамы қатысты: «Есеп және аудит» кафедрасының меңгерушісі Бекжанова Т.Қ., э.ғ.к., доцент Айтхожина Л.Ж., магистр аға оқытушы Айтхожина А.Е., PhD, профессор м.а. Алтынбеков М.А., PhD, аға оқытушы Успамбаева М.Қ., магистр аға оқытушы Асқарова Т.М., сондай-ақ «Бизнес және басқару» факультетінің деканы Алина Г.Б., «Құқық» кафедрасының профессоры Жүсіпов А.Д.
Дөңгелек үстел қорытындысы бойынша қатысушылар оның студенттердің құқықтық мәдениетін, азаматтық жауапкершілігін және белсенді ұстанымын қалыптастыру үшін жоғары өзектілігі мен практикалық маңыздылығын атап өтті.
Дөңгелек үстел ашық диалог форматында өтіп, студенттерге қызығушылықтарын туғызған сұрақтарды қоюға және қазіргі заманғы әлеуметтік-құқықтық үдерістерді талқылауға мүмкіндік берді.
