Esil University-де цифрлық аллея мен жасанды интеллект зертханалары ашылды

Президент Қасым-Жомарт Тоқаев жариялаған Цифрландыру және жасанды интеллект жылында Esil University-де цифрлық алея мен жасанды интеллект және цифрлық технологиялар зертханалар кешені ашылды. Іс-шара жоғары оқу орнының басшылығын, Ғылым және жоғары білім министрлігінің өкілдерін, серіктестерді, оқытушылар мен университет студенттерін біріктірді.

Қонақтарға 4 зертхана таныстырылды. Олардың арасында — заманауи 3D-принтерлер мен Arduino жинақтарымен жабдықталған «Робототехника және 3D-технологиялар» зерттеу зертханасы; интеллектуалды бейнебақылау жүйелері мен бейне деректерді талдауды оқытатын «HIKVISION Lab» оқу зертханасы; цифрлық схемотехниканы, микроконтроллерлерді және өлшеу жүйелерін зерттеуге бағытталған «Arduino and Digital Circuit Engineering, NI Instruments Laboratory» зертханасы; сондай-ақ арнайы білім беру қажеттіліктері бар студенттерге білім беру ресурстарына қол жеткізуді қамтамасыз ететін Цифрлық инклюзия орталығы бар.

Экономика ғылымдарының докторы, профессор, ректор Аяпберген Таубаев сәлемдесу сөзімен шықты. Оның айтуынша, цифрлық аллеяны құру студенттерге іргелі жаңа мүмкіндіктер ашады: «Бүгін біз студенттер білім алып қана қоймай, өз жобаларын жүзеге асыра алатын, жетекші технологиялармен жұмыс істей алатын және цифрлық экономикада сұранысқа ие дағдыларды дамыта алатын заманауи білім беру ортасын қалыптастырып жатырмыз», — ректор атап өтті. Қатысушыларға 3D-модельдеу және Arduino негізіндегі бағдарламалаумен байланысты цифрлық шешімдердің жұмысының практикалық демонстрациясы көрсетілді. Іс-шара аясында студенттер жасанды интеллект және цифрлық технологиялар саласындағы жобаларын ұсынған EsU IT Project Fest 2026 байқауының қорытындылары да шығарылды. Жеңімпаздар үздік әзірлемелер, прототиптер және презентациялар үшін дипломдар мен номинациялар алды. Салтанатты бөлімге мерекелік бағдарлама ілесті: ашылу құрметіне концерт ұйымдастырылды. Наурыз атмосферасын дәстүрлі тағамдар толықтырды — барлық қатысушыларға наурыз көже мен бауырсақ таратылды.