Менеджмент кафедрасында аға оқытушы Түлегенова К.Т. жүргізген «Бизнес-процестерді басқару» пәні бойынша «Бизнес-процестердегі тәуекелдер» тақырыбында практикалық сабақ өтті.
Сабақтың мақсаты студенттерде бизнес-процестердегі тәуекелдерді анықтау, бағалау және басқарудың практикалық дағдыларын қалыптастыру болды.
Сабақ оқушылардың оқу үдерісіне интерактивтілігі мен тартылуын арттыруға бағытталған геймификацияланған тәсілдерді пайдалана отырып өткізілді. Сабақ барысында студенттер кейстермен жұмыс жасады, рөлдік ойындарға қатысты және нақты басқарушылық жағдайларды модельдеді, бұл оларға теориялық білімдерін практикада қолдануға мүмкіндік берді.
Геймификация элементтерін пайдалану командалық жұмыс дағдыларын дамытуға, белгісіздік жағдайында шешім қабылдауға және студенттердің оқылатын пәнге деген қызығушылығын арттыруға ықпал етті.