Университетте студенттердің халықаралық бөліммен кездесуі өтті

«Есеп және аудит» білім беру бағдарламасы студенттерімен тәрбие жұмысы аясында университеттің халықаралық бөлімінің өкілдерімен кездесу өтті. Іс-шара ашық диалог форматында өтіп, академиялық этика, жауапкершілік және мәдениетаралық өзара іс-қимыл мәселелеріне арналды.

Кездесу барысында студенттерге халықаралық академиялық ұтқырлық бағдарламалары туралы ақпарат ұсынылды, сондай-ақ шет елде оқу мен тағылымдамадан өту кезіндегі мінез-құлық нормалары мен академиялық адалдық принциптері түсіндірілді. Толеранттылық, мәдени дәстүрлерді құрмет тұту және студенттің университет өкілі ретіндегі рөліне ерекше назар аударылды.

Во встрече приняли участие сотрудники международного отдела: главный специалист ОМС Аманова Мадина Имановна, ведущий специалист ОМС Оспанова Айғаным Амангелдіқызы, а также куратор группы Успамбаева Мадина Карабаевна.

Қатысушылар Erasmus+ және DAAD халықаралық алмасу бағдарламаларымен, үміткерлерге қойылатын талаптармен және стипендия алу мүмкіндіктерімен танысты. Кездесудің соңында студенттерге құжаттарды дайындау бойынша практикалық ұсыныстар берілді және қызықтыратын сұрақтарға жауап алынды.

Халықаралық бөлім қызметкерлері мен топ кураторы осындай іс-шаралардың халықаралық білім беру кеңістігіне интеграциялануға дайын кәсіби және әлеуметтік жауапты мамандарды қалыптастыруға ықпал ететінін атап өтті.